عريس الغفلة مع اعضاء المنتدى

[color:e0ae="Purple"][SIZE="5"]كنا قاعدين كلنا علي المصطبه وكبايات الشاي السخن عامله جو في القعده ويدوب لسه في اول حجر
بس الكل جاي انهارده مبسوط والمزاج تمام
لكن لاحظت ان المعلم سونه قاعد ساكت كده من اول القعده مش عارف ماله متغير انهارده قلت اسأله في ايه ودي كانت بدايه الحوار

ديدا : مالك كده يا معلم سونة مزاجك مش معدول ليه

هكر: اه صحيح مالك كده يا معلم شايل طاجن ستك ياراجل فك دي القعده حلوه وساعه الحظ متتعوضش

سونة : والله يا جماعه موضوع حصل انهارده وشاغلني شويه متشغلوش بالكم انتم ماترصلنا حجر كمان يا ذياد

ديدا : ياعم حجر ايه بس ما ده لسه شغال اهو احكيلنا بس في ايه مزعلك يمكن نقدر نساعدك

عاشق تامر : اه صحيح يا معلم ما تقول

سونة : انت بالذات ياد تسكت خالص احسن انا مفقوع منك

سند مان : يا جماعه اهدوا شويه عيب كده يا معلم سونة ده مش اسلوب تتكلم بيه خليك راجل اسبور وشيك في كلامك

سونة : شيك ؟؟ !! هع هع انت مش شايف الواد ومياصته وايه ياد اللي انت لابسه في ايدك ده

ديدا : يا معلم سونة عيب ميصحش ده الراجل ضيف واحنا كلنا جايين ننبسط وندردش بعيد عن وجع القلب والدماغ بتاع العالم الي بره قول يا معلم بس مالك ده انت شكلك حكايتك حكايه

المعلم سونة : مش حقول حاجه الا اما اعرف الواد ده لابس ايه في ايده البتاعه ام شخاليل دي

ديدا : دي اسمها حظاظه يا معلم سونة ها عرفت يا سيدي خلصنا بقي نشفت ريقنا

المعلم سونة : نهايته .. الموضوع ومافيه يا اخوانا ان بنتي الكبيره جالها عريس

ديدا: ودهي حاجه تزعل يا معلم الف مبروك ياراجل وربنا يتمم بالخير

عمرو دياب : ده يوم سعد والله يا معلم الف مبروك

عاشق تامر : الف مبروك يا معلم وحياتك عندي لارقصلك في الفرح والدي جي علي حسابي كمان

المعلم سونة : ايه الدي جي ده دي حلويات دي ولا ايه ؟

ذياد: حيموت علي نفسه من الضحك ) :
ديدا: هههههههه ده كلام يا معلم بقي مش عارف الدي جي ده يا سيدي حاجه كده زي تسجيل كبير وسمعاته كبيره وصوتها عالي علشان الاغاني اللي حتشتغل في الفرح الف مبروك يا معلم

المعلم سونة : الله يبارك فيكم يرجاله عقبال عندك جميعاً
عمرو دياب : وبالمناسبه دي حسمعكم قصيده جديده استلهمتها من الموقف حالاً

ديدا: قول يا عمرو سمعنا يا سيد سمعنا متعنا بخطبك متعنا

الكل طبعاً قعد يضحك الاعمرو دياب اللي خدته الجلاله اوي وانطلق في تلاوه القصيده وكانت بتقول
جانا الخبر جانا والدنيا مش سايعانا

يوم فرح بنتنا يوم فرح من جوانا

عريس شياكه وخفه

مظبوط اوي في الزفه

وعروسه حلوه جميله

جمال وحسب واصيله

يا سونه يابو العروسه

يابو الرجال علي حق

الجدعنه من شيمتك

والمرجله علي حق
واستمر عمرو دياب في اسماعنا القصيده اكتر من ساعه وكلنا متكيفين اوي وفي الاخر قعدنا نهلل كلنا

اييييييييييه قشطه عليك ياعمرو يا مكيفنا نياااااااههههههههههههههههه

وقعدنا طبعاً نبارك للمعلم سونة ونتمناله ربنا يتتملله فرحه علي خير لكن برده الراجل قاعد مش مبسوط

ديدا : مالك كده ييا معلم سونة هي العروسه مش موافقه ولا ايه

المعلم سونة : لالالالالالالا انا معنديش بنات تقول لا

ذياد : ازاي الكلام ده يا معلم ده هي اللي حتتجوز ولازم يكون في حب او اعجاب علي الاقل وقبول من الطرفين

سونة : كلام ايه اللي بتقوله ده يا ذياد حب ايه وكلام فارغ ايه اللي بتتكلم عنه ماتقول حاجه يا يوسف

ديدا : يا جماعه محصلش حاجه ده الراجل بيقول وجهه نظره وبعدين ده النبي اللي قالي كده مش احنا

عاشق تامر : قوله يا ديدا الراجل ابو مخ حجري ده عاوز يجوز البنت غصب عنها

عمرو دياب : لالالالالالالالا يا معلم سونة انا مش معاك لازم البنت تشوفه وتوافق عليه

المعلم سونة : مش لما اوافق انا الاول يا جدعان

ديدا : ( كنت مستغرب اوي ) وايه اللي مش مخليك توافق يا معلم هو الواد في عيب ولا حاجه

المعلم سونة : مش عارف كده مش مرتاحله شاب مش مظبوط كده ولا بسلي بنطلون محزق وفانله حتتفرتك من علي جسمه

عاشق تامر : وماله يا معلم ماهي الموضه كده

المعلم سونة : قلتلك ياد انت بالذات تخرس خالص محدش طلب منك تتكلم

ديدا : ( بحاول الطف الجو ) يا معلم سونة بس ده مش سبب علشان ترفض طالما الواد ظروفه كويسه وشاريك انت وبنتك مفيش مانع

عمرو دياب : طب يا معلم سونة هو حالته الماديه ايه

المعلم سونة : علي قده هو شكله كده تقول عليه مريش بس لما اتكلمت معاه معجبنيش الحال لا وظيفه حكومه ولا ورث ولا ارض يزرعها ولا حتي محل حلاقه

ذياد : لالالالا يا معلم سونة سيبك من الواد ده خالص الوظيفه الحكوميه هي الاساس متبهدلش بنتك معاه

هكر : وانا كمان رايي كده ده مفلس باين عليه لازم اللي يتجوز ده يبقي علي الاقل عنده شقه جاهزه في مكان كويس وعربيه منصحكش يا معلم بالجوازه دي

ديدا : يا جماعه مش كده الكلام بالعقل حلو وهو الراجل حيجيب منين ما ظروف البلد انتوا عارفينها كويس لما كل واحد حيجيب شقه في حته كويسه وحيركب عربيه امال مين حيسكن في شبرا ومصر القديمه ومين حريكب اتوبيس وميكروباص

المعلم سونة والله انا محتار مش عارف اعمل ايه اوافق ولا لا

ذياد : متوافقش طبعاً ده مفلس

عمرو دياب : لا طبعا متوافقش يا معلم طالما مش موظف حكومه

يوسف : والله يا معلم لو شاب امور واستايل مفيش مانع هو انت حتعوز ايه تاني

ديدا : والله يا معلم انا شايف انك تاخد راي بنتك في الموضوع ولو وافقت ولو انت شايف ان الواد ليه مستقبل وطيب وابن ناس واخلاقه كويسه مفيش مانع يبدأوا حياتهم مع بعض وبرده متقرصش عليه في الطلبات ده لسه طري وبكره الفقير يبقي غني وانت واجب عليك تقف جنبه يا معلم دي بنتك برده وعريسها يبقي زي ابنك
وانت كمان ايه رايك في كلام الناس دي وياترى انت مع مين فيهم